Dil k dariya ko kisi roz utar jana hai
Itna besimt na chal laut ke ghar jana hai

Us tak ati hai to har chiz thahar jati hai
Jaise pana hi use asl main mar jana hai

Bol ai sham-e-safar rang-e-rihai kya hai
Dil ko rukana hai k taron main thahar jana hai

Hasti ka aitbaar kiye bagair reh na jaye,
Dunya hai yahan per jiye bin raha na jaye,

Kat’ti nahin yeh zindagi umeed ke bagher,
Yeh jaam woh hai jis ko piye bin raha na jaye,

Hum nahin kehte hamari, teri dunya ho jaye,
Itne rangon mein koi rang to apna ho jaye,

Ishq woh “turfa–balaa” hai ke kare jis ki talb,
Us ko maloom na ho, Sheher mein charcha ho jaye,

Kya kya hamare khawb they, jane kahan pe kho gaye,
Tum bhi kisi ke sath ho, Hum bhi kisi ke ho gaye,

Jane woh kyon they, Kaun they? aaye they kis liye yahan,
Woh jo fashaar-e-waqt mein, Bojh sa aik ddho gaye,

Koi bhi aadmi poora nahin hai,
Kahin aankhen, Kahin chehra nahin hai..

Sitaron ko badalna chahate hain
Tare ham rah chalna chahte hain

Bohat barhaq sahe, paste hamare
Magar ab ham sanbhalna chahte hain

Sehar jase bhe ho, pher bhe sehar he
Shab-e-gum se nikalna chahte hain

Main azal ki shaakh se toota hua,
Phir raha hoon aaj tak bhatka hua,

Dekhta rehta hai mujhe ko raat din,
Koi apne takht per betha hua,

Chand taare dur peechey reh gaye,
Main kahan par agaya urta hua,

Jab bhi ik shaam yaad ati hai,
Jese duniya theher si jati hai,

Ik taraf dil hain, Ik taraf duniya,
Aur yeh scene kayenaati hai,

Yu’n bhi hota hai sher, baaz aukat,
Jese bijli si koond jati hai,

Maut se ham’kalaam hone ke,
Zindagi raste dikhati hai,

Koi bhi aadmi pura nahin hai,
Kahin ankhain kahin chehra nahin hai,

Yahan se kyon koi begana guzre,
Yeh mere khawb hain rasta nahin hai,

Jahan par they teri palkon ke saye,
Wahan ab koi saaya nahin hai,

Koi mausam ho, dil mein hai tumhaari yaad ka mausam,
Ke badla hee naheen jaanan tumhare baad ka mausam,

Nahee tou aazma ke dekh lo, kaisay badalta hai,
Tumhaaray muskaraanay se dil-e-nashaad ka mausam,

Pages