Yoon jo takta hai asmaan ko tu,
Koi rehta hai aasman main kya,

Yeh mujhe chain kyun nahin parrta,
Aik hi shakhss tha jahan main kya..

Aap apna ghubaar they hum to,
Yaad they yaadgar they hum to,

Hum ko yaaron ne bhi yaad na rakha,
Jon yaaron ke yaar they hum to..

Kisi se koi khafaa bhi nahin raha ab to,
Gilaa karo ke gilaa bhi nahin raha ab to,

Chunnay huye hain labon per tere hazar jawab,
Shikaayeton ka maza bhi nahin raha ab to,

Yakeen kar ke jo teri aarzu mein tha pehle,
Woh lutf tere siwaa bhi nahin raha ab to,

Sharam, dehshat, jijhakk, pareshaani,
Naaz se kaam kyun nahin leti,

Aap, woh, ji magar, yeh sab kya hai,
Tum mera naam kyun nahin leti..

Sochta hoon kabhi kabhi yoon hi,
Aakhir harjj kya tha usey manaane mein..

Abhi farmaan aya hai wahan se,
Ke hatt jaaon main apne darmiyaan se,

Yahan jo hai tanaffus hi main gum hai,
Parinde urr rahe hian shakh-e-jaan se,

Daricha baaz hai yadon ka aur main,
Havaa sunta hoon peirron ki zubaan se,

Aakhri baar aaah kar li hai,
Maine khud se nibaah kar li hai,

Apne sar ik balaa to leni thi,
Maine woh zulff apne sar li hai,

Din bhalaa kis tarah guzaro ge,
Vasl ki shab bhi ab guzaar li hai,

Ab woh ghar tak viraana tha bas viraana zinda tha,
Sab aankhen damm torr chuki theen aur main tanha zinda tha,

Saari galli sunsaan parri thi baad-e-fana ke pehre main,
Hijr ke dalaan aur aangan main bass ik saaya zinda tha,

Ab ku-e-yaar tere zamaane guzar gaye,
Jo apne ghar se aaye they woh ghar gaye,

Ab kaun zakham-o-zeher se rakhe ga silsila,
Jeene ki ab havass hai humen hum to mar gaye,

Zindagi kya hai aik kahaani hai,
Yeh kahani nahin sunaani hai,

Hai khuda bhi ajeeb yaani jo,
Na zameeni na aasmaani hai,

Hai mere shauq-e-vasl ka yeh gila,
Us ka pehlu sara-e-faani hai,

Pages