Dil Tha Darham Aur Barham Raaigaan
Thay Tumhaari Zulf Ke Kham Raaigaan

Apni Saari Aarzooain Theen Faraib
Apnay Khwaabon Ka Tha Aalam Raaigaan

“Jhon” Shayad Kuch Nahee Kuch Bhi Nahee
Hai Dawaam Ik Weham Aur Dam Raaigaan

Nazar heraan, dil veeran, mera jee nahin lagta,
Bichar ke tum se meri jaan, mera jee nahin lagta,

Koi bhi to nahin hai jo, pukare raah main mujh ko,
Hoon mein be-naam ik insaan, mera jee nahin lagta,

Zakham-e Umeed Bhar Gaya Kab Ka,
Qais Tou Apne Ghar Gaya Kab Ka.

Ab Tou Mu Apna Mat Dikhaao Mujhe,
Naa-siho Main Sudhar Gaya Kab Ka.

Aap Ab Poochne Ko Aaye Hain,
Dil Meri Jaan Mar Gaya Kab Ka.

Nashaa-e-Naaz Ne Be-Haal Kia Hai Tum Ko
Apne Hee Zor Mein Kamzor Hoi Jaati Ho

Mein Koi Aag Nahee, Aach Nahee, Dhoop Nahee
Kiun Paseenay Mein Sharaabor Hoi Jaati Ho ?

Yun to apne qasidaan-e-dil ke paas,
Jane kis kis ke liye peghaam hain,
Jo likhe jaate rahe aur’on ke naam,
Mere woh khat bhi tumhare naam hain..

Teri Yaadon Ke Raastay Ki Taraf
Ik Qadam Bhee Nahee Barhuun Ga Mein

Dil Tadapta Hai Tere Khat Parh Kar
Ab Tere Khat Nahee Parhuun Ga Mein

Kaun sood-o-ziyaa’n ki duniya mein,
Dard-e-ghurbat ka sath deta hai,
Jab muqaabil hon ishq aur daulat,
Husnn daulat ka saath deta hai..

(sood-o-ziyaan;profit)

Tujh se gilay karoon tujhe janaa’n manaaon main,
Ik bar apne aap mein aaon to aaon main,

Dil se sitam ki be’saro kaari hawaa ko hai,
Woh gard urraa rahi hai ke khud ko ganwaaon main,

Mujh Ko Begaana Kar Gaye Mere Din
Mujh Se Ho Kar Guzar Gaye Mere Din

Ab Na Koi Din Mere Ghar Jaye Ga
Jaanay Kis Ke Ghar Gaye Mere Din

Ab Nahi Hain Mere Koi Din Raat
Ke Mujh Hee Ko Basar Gaye Mere Din

Yeh kaafi hai ke hum dushman nahin hain,
Wafaadari ka daava* kyon karain hum..

(daava;claim)

Pages