Apne sab yaar kaam kar rahe hain,
Aur hum hain ke naam kar rahe hain,

Tegh-baazi ka shauq apni jagah,
Aap to qatl-e-aam kar rahe hain,

Daad-o-tehseen ka yeh shor hai kyun,
Hum to khud se kalaam kar rahe hain,

Ab kharra soch raha hoon logo,
Kyun kiya tum ko ikatha maine..

Zabt kar ke hansi ko bhool geya,
Main to us zakhm hi ko bhool geya,

Zaat-dar-zaat hamsafar reh kar,
Ajnabi ajnabi ko bhool geya,

Subh tak vajh-e-jaan-kani thi jo baat,
Main usay shaam hi ko bhool geya,

Dil Jal Raha Tha Gham Se Magar Nagmagar Raha
Jab Tak Raha Main, Saath Mere Yeh Hunar Raha

Subah-E-Safar Ki Raat Thi, Taare The, Aur Hawa
Saaye Sa Ek, Der Talak, Baam Par Raha

Meri Sada Hawa Mein Bohat Door Tak Gayi
Par Main Bula Raha Tha Jise, Bekhabar Raha

Hum kisi ko apne amaal ka hisaab kya dete ?
Sawaal saaray ghalat the jawaab kya dete ?

Kharab sadiyon ki be-khwabiyan theen aankhon main,
Ab in be-aant khalaaon main khwaab kya dete ?

Saaya-e-Qasr-e-Yaar Mein Baitha
Mein Tha Apnay Khumaar Mein Baitha

Os Ka Aana Tha Khwaab Mein Aana
Mein Abs-e-Intezaar Mein Baitha

Koi Soorat Nahi Hai Os Jaisi
Osko Dekho Hazaar Mein Baitha

Meri saari zindagi ko be’samar iss ne kiya
Umar meri thi magar,isko basar iss ne kiya

Main bohut kamzor tha iss mulq main hijrat kay baad
Per mujhe iss mulq mein kamzor’tar iss ne kiya

Tujhse bicharr kar kya hoon main, ab bahar akar dekh,
Himmat hai to meri haalat, aankh mila kar dekh,

Shaam hai gehri, tez hawaa hai, sar pe khari hai raat,
Rasta gaye musafir ka ab diya jalaa kar dekh,

Hum’zubaan mere they in ke dil magar achey na they,
Manzilain achi thee’n mere hum’safar achey na they,

Jo khabar pohanchi yahan tak asal surat mein na thi,
Thi khabar achi magar ehl-e-khabar achey na they,

Mehfil ar’aa they magar phir kam’numaa ho geya they,
Dekhtey hi dekhtey hum kya se kya ho gaye they..

Pages