Us Shaks Ko To Bichadeny Ka Saleka Nahi ” FARAZ”
Jatay Hoe Khud KO Mere Pass Chor Gaya .

Na janE KaB Se Ho GayE ItNay ShiDDat PasaNd HaM ?
FArAz !
JaB Tak ZakhaM Na KhAyEn tAssalEE nAhi hoTi ?

Phool Shaak Se Bichre To Kaheen Ka Nahi Rehta Faraz
Tum Khud Ko Juda Meri Zaat Se Soch K Karna

Dukh fasana nahi k tujh se kahain
Dil bhi mana nahi k tujh se kahain,

Ek tu harf aashna tha magar
Ab zamana nahi k tujh se kahain,

Ae khuda dard e dil hai bakhshish e dost
Aab o daanaa nahi k tujh se kahain

Karoon na yaad magar kistrah bhulaoon ussay,
Ghazal bahana karoon aur gungunaoon ussay,

Wo khaar khaar hay shakh-e-gulab ki manind,
Main zakhm zakhm hon magar galay lagaoon ussay,

Ye kyaa ke sab se bayaan dil ki haalaten karani
`Faraz` tujh ko na aain muhabbaten karani

Ye qurb kyaa hai ke tuu saamane hai aur hamen
Shumaar abhi se judaai ki sa`aten karani

Koi khudaa ho ke patthar jise bhi ham chaahen
Tamaam umr usi ki ibaadaten karani

Jis simt bhi dekhooN nazar aata hai ke tum ho
Ae jaan-e-jahaaN ye koi tum saa hai ke tum ho

Yeh khwaab hai, khushboo hai, ke jhoNka hai, ke pal hai
Yeh dhuNd hai, baadal hai, ke saayaa hai, ke tum ho

Shayari, aawargi, khushbu, wafaa, lazzat, sharaab
Mukhtalif shaklon main shehzaade ko aurat chahiye ..!

Yun phir raha hai kaanch ka peiker liye howey
Ghafil ko yeh gumaan hai ke pathar na aye ga

Zakhm ko phul to sar sar ko saba kahte hain
Jane kya daur hai kya log hain kya kahte hain

Kya qayamat hai ke jin ke liye ruk ruk ke chale
Ab vahi log hamain abalapa kahte hain

Koi batalao ke ik umr ka bichara mahabub
Ittefaqan kahin mil jaye to kya kahte hain

Pages