Kitaab-e-zeest ka ek aur baab hatam hua,
Shabaab hatam hua, azaab hatam hua..

Janta hoon aik aese shakhs ko mein bhi Munir,
Gham se pathar ho geya lekin kabhi roya nahin..

Aur hain kitni manzilain baaki,
Jaan kitni hai jism main baaki,

Zinda logon ki buud-o-baash mei hain,
Murdaa logon ki aadatein baaki,

Uss se milna woh khawb-e-hassti mei,
Khawb maaduum hasraten baaki,

Dil ajab mushkil mei hai ab asal raaste ki taraf,
Yaad peeche kheenchti hai aas aagey ki taraf,

Chorr kar nikle they jis ko dasht-e-ghurbat ki taraf,
Dekhna shaam-o-sehar ab ghar ke saaye ki taraf,

Apna to yeh kaam hai bhai dil ka khoon bahate rehna,
Jaag jaag kr in raaton mei sher ki aag jalaate rehna,

APne gharon se door banon mei phirte huye avaara logo,
Kabhi kabhi jab waqt mile to apne ghar bhi jaate rehna,

Apni hi tegh-e-adaa se aap ghaayal ho geya,
Chaand ne paani mein dekha aur paagal ho geya,

Woh havaa thi shaam hi se raste khaali ho gaye,
Woh ghataaa barssii ke saara sheher jal-thal ho geya,

Dil ka saffar bas ek hi manzil pe bas nahin,
Itnaa khayaal uss ka humen iss barass nahin,

Dekho gul-e-bahaar-e-assar dasht-e-shaam main,
Deewaar-o-dar koi bhi kahin pesh-o-pass nahin,

Bechain bohat phirna ghabraye huye rehna,
Ik aag si jazbon ki dehkaaye huye rehna,

Chalkaaye huye Khushbuu lab-e-laleen ki,
Ik baagh sa sath apne mehkaaye huye rehna,

Ik shaam si kar rakhna kaajal ke karishme se,
Ik chaand sa aankhon main chamkaaye huye rehna,

Beth jaata hai woh jab mehfil main aa ke saamne,
Main hi hota hoon uss ki iss adaa ke samne,

Tez thi itni ke saara sheher suuna kar gayi,
Dair tak baitha raha main uss havaa ke samne,

Awaz de ke dekh lo shayed woh mil hi jaye,
Warna yeh umar bhar ka safar rayegaan* to hai..

(rayegaan:wasted, zaya)

Pages