Hilaal-e-eid ko dekho to rok lo aansu,
Jo ho sake to mohabbat ka ehtraam karo..

(hilaal;moon)

Kal hum ne bazm-e-yaar mein kya kya sharab pee,
Sehraa ki tishnagi thi sau daryaa sharaab pee,

Tu sath jo nahin hai to kya gulistan ki sair,
Tu hum’saboon nahin hai to phir kya sharab pee,

Ab ke tajdeed-e-wafaa ke nahin imkaan jaanan,
Yaad kya tujh ko dilaayen tera paimaan jaanan,

Tera qurb hai na baada hai, kya kiya jaaye,
Phir aaj dukh bhi zeyadaa hai, kya kiya jaaye,

Kuch apne dost bhi turkish-badosh phirte hain,
Kuch apna dil bhi kushaada hai, kya kiya jaaye,

Aesi tareekiyan aankhon mein bassi hain ke Faraz,
Raat to raat hai hum din ko jalate hain chiraagh..

Silsle torr geya woh sabhi jaate jaate,
Warna itne to marasim they ke aate jaate,

Shikwa-e-zulmat-e-shab se to kahin behtar tha,
Apne hisse ki koi shamma jalaate jaate,

Kitna asaan tha tere hijr main marna jaana,
Phir bhi ik umar lagi jaan se jaate jaate,

Aasshiqi me mir jaise khawb mat dekha karo,
Baavle ho jaaoge mahtaab mat dekha karo,

Jasta jasta parh liya karna mazaamin-e-vafaa,
Par kitaab-e-ishq kaa har baab mat dekha karo,

Ab kya sochen kya halaat the kis kaaran yeh zehr piya hai,
Ham ne us ke sheher ko choda aur ankhon ko moond liya hai,

Apna yeh sheva to nahin tha apne gham auron ko saumpein,
Khud to jaagte ya sote hain us ko kyun be-khawb kiya hai,

Ab ke hum bichrre to shayed kabhi khawbon main milen,
Jiss tarah sookhay huye phool kitaabon main milen..

Aese chup hain ke yeh manzil bhi karri ho jese,
Tera milna bhi judaayi ki gharri ho jese,

Apne hi saaye se har gaam larazz jaata hoon,
Raaste main koi deewaar kharri ho jese,

Kitne nadaan hain tere bhoolne wale ke tujhe,
Yaad karne ke liye umr parri ho jese,

Pages