Gharzz ke kaat diye zindagi ke din aye dost,
Woh teri yaad main hon ya tujhe bhulane main..

ab to kuch aur bhi andhera hai
ye meri rat ka sawera hai

rahzanon se to bhag nikla tha
ab mujhe rahbaron ne ghera hai

age age chalo tabar walo
abhi jangal bahut ghanera hai

qafila kis ki pairawi mein chale
kaun sab se bara lutera hai

Iss qadar pyar se na dekh mujhe,
Phir tamanna jawaan na ho jaye..

Doston ko bhi mile dard ki daulat ya rab,
Mera apna hi bhalla ho mujhe manzuur nahin..

Dar to mujhe kiska hai k main kuch nahin kahta
par hal ye afshan hai k main kuch nahin kahta

naseh ye gila hai k main kuch nahin kahta
tu kab meri sunta hai k main kuch nahin kahta

Woh jo hum main tum main qaraar tha tumhen yaad ho ke na yaad ho,
Wohi yaani vaada nibaah ka tumhen yaad ho ke na yaad ho,

Woh jo lutf mujh pe they pesh-tar woh karam hi tha mere haal pr,
Mujhe sab hai yaad zara zara tumhen yaad ho ke naa yaad ho,

khulta nahin hai hal kisi par kahe bagair
par dil ki jan lete hain dilbar kahe bagair

main kyunkar kahun tum ao k dil ki kashish se wo
ayenge daure ap mere ghar kahe bagair

kya tab kya majal hamari k bosa len
lab ko tumhare lab se milkar kahe bagair

Aur zeyada bharrkatey ho tum to aag mohabbat ki,
Sozish-e-dil ko aye ashko, Kya khaak bhujana seekhey ho…

(Sozish-e-dil:Heartbreak)(Ashko:Tears)

Hai ishq ki manzil mein haal ke jese,
Lutt jaye kahin raah mein samaan kisi ka..

Bahadur Shah Zafar

Lagta nahii hai dil mera ujrre dayaar mein,
Kis ki bannii hai aalam e na-paayedaar mein,

Keh do in hasraton se kahin aur ja basen,
Itni jagah kahan hai dil-e-daaghdaar main,

Umr-e-daraaz maang ke laaye the chaar din,
Do aarzuu mei katt gaye do intizaar main,

Pages